雖然未去過天空之鏡呢個名勝，但天空之境我就有好深體會，因為最近入手左部HUAWEI P30 Pro，機身顏色就係天空之境，唔同角度下會出現唔同顏色，加上佢主打超強變焦影相功能，當然要搵靚女Kana去試下。
出發前先為手機充滿電，HUAWEI P30 Pro 有成4,200 mAh 高容量電池，用跟機原裝 40W HUAWEI SuperCharge 安全快速充電火牛，只需 30 分鐘即可為手機充電約70%。此外，隨機亦有送透明軟殼，充完電即刻可以帶出街用。
呢日就帶住香機美人入長洲，去中環5號碼頭搭船一個鐘左右就到，快船的話雖然路程時間更短，但班次相對較疏，大家有緣就搭啦。上到船先設定一下新機，首要當然係解鎖功能，P30 Pro有屏下指紋解鎖，由於屏佔比高，所以單手於6.47吋屏幕用指紋解鎖都無問題，另外亦可選用人臉解鎖，設定時紀錄用家面部特徵超快，只係一兩秒的事情，解鎖之時亦好流暢，攞起部機一望前鏡就OK。
N年無去長洲，今次搵到D新景點同大家分享，而且唔使行好多路。一落船會見到好多食店，巡例食個巨型魚蛋，十蚊兩粒仲有好多口味揀。
之後就往百佳方向前行，左面會發現有個地方掛滿好多愛情鎖，有D鎖係手繪設計，好有文青氣息。
影靚女時，發現P30 Pro預設AI，對焦後會自動進入人像模式，即係會有散景效果。其實部機有成4個Leica鏡頭，包括4,000萬像廣角鏡頭、2,000萬像超廣角鏡頭、800萬像超變焦鏡及 ToF (Time of Flight) 鏡頭，具備景深及 3D 訊息偵測能力，總之部機有Wide有Zoom，外遊旅攝夠晒方便。
想同另一半玩鎖浪漫下，可以幫襯旁邊店舖，每個鎖賣$40，仲有好多顏色你揀，我就影左比大家睇，雖然店家話嚴禁拍攝，但我就用P30 Pro五倍光學Zoom由門外影，應該吹我唔脹。睇番效果都唔錯，潛望式設計應記一功，原理係透過三稜鏡將光線折射到鏡頭和傳感器上，形成更長的等效焦距，10倍無損變焦都做到，最勁可以去到50x數碼變焦，影月亮都得。
之後，行東灣路往泳灘方向前行，沿途都有D影相位。
沙灘影相，當然會用到廣角，啟用P30 Pro AI功能後，水平儀會自動彈出，方便對齊水平線影相。
雙鏡影片拍攝呢個功能算係P30及P30 Pro獨家，於拍攝介面進入「更多」頁面即可選用，錄影時會將畫面左右分割，同時以全景與特寫效果錄像，此後會同時Play Back兩種效果比大家睇，都幾過癮。如果部機搵唔到呢個功能，稍後進行由華為提供的HOTA更新即可。
網爬文話長洲有櫻花影，於是我地就走回頭路，沿警署徑上搵關公忠義亭，步行時間約20分鐘，好在沿路都有D影相位唔會悶。用P30 Pro個10倍無損變焦影動物真心正，唔怕自己行近會嚇走佢地；影花亦有超級微距模式可以選擇。
去到目的地，一個字：伏，莫講話櫻花，野花都無朵，在此呼籲除非想拜下關二哥，否則呢個景點可以Skip。
隨後即往李麗珊發跡地觀音灣出發，地方位於東灣旁邊而已，沿路經過直昇機場，主要供救護人員用。
呢度都值得一到打卡，話晒係奧運風帆金牌得主練習場地，即使個5環設計有D Hea。
之後，去返碼頭附近，有個隱世影相位，就係長洲街市，上天台的樓梯位，影到大海同漁民工作狀況，而上到天台亦一片開揚，最正係無咩人知，可以談談情影影相。睇番張相，人像mode個景深做得幾靚，留意下圖囡囡馬尾髮絲，同背景分得好清楚，該清的前景清，該朦的背景朦。
臨走時自拍一下，先知P30 Pro個前置鏡頭有成3,200萬像素，仲結合深度學習影像運算，令面部輪廓更突出，另外亦提供美膚、瘦臉同膚色紅潤幾種效果；當然亦有N種濾鏡可以選用。
回程坐船，梗係幫靚女執下相，部機內置的有關功能已經好齊全，可以瘦臉、去毛、放大眼睛及去除眼袋等，美圖App都可以慳番，而且仲有好多浮水印設計同編輯功能。
經過大半日，囡囡部手機都幾乎無電，P30 Pro仲有大半，於是就當佢無線尿袋用，搭船充一陣都幾方便。
總結而言，HUAWEI P30 Pro內外在美兼備，好睇好用，你話娶個老婆係咁就正喇；唔講唔知，部機已獲112分 DxOMark，係目前最高分。
至於長洲大家5月9至12日可以去下，見識太平清醮，不過平日都可以去買下藝術手作仔、食下平安包，同大過「頭」的西瓜。
