新一年又來到，當然又要為大家報上全新既價格，網店 anlander 率先將 iPhone 專用既係即影即印又係手機殼既 Prynt Pocket 進行降價優惠，大減 HK$300 最新報都只係 HK$1,180，相比起買一部即影即有既相機平一大截，仲可以 iPhone 影相直出之餘又可以玩到 AR 擴增實景既效果，一個字「抵」！
講下依部 Prynt Pocket 先，大家都知道 iPhone 影相有幾好，來到 iPhone XS / XS Max / XR 更加係將鏡頭質素再提升，而 Prynt Pocket 就正正結合 iPhone 一齊用，唔駛駁 WiFi 或者藍芽，因為係用 Lightning 直接連上兩部機，令相片有更高還原度，只要用 iPhone 影完就可以直接由 Prynt 的 app 控制 Prynt Pocket 印返張相出黎。
你可能會話，Prynt Pocket 同一部即影即有相機無分別，不過佢除左印相之外， Prynt Pocket 仲有 AR 擴增實景既效果，由 Prynt Pocket 印出黎既相，只要用返個 app 掃瞄一下，即刻變成動態圖片，就好似哈利波特入面既會郁既畫一樣，等你可以保留精彩細緻既回憶。
仲有一點，即影即有相機大大部，攞出街係唔多方便，依部 Prynt Pocket 就細部好多，尺寸 只有 3.3 x 2.8 x 1.9 英寸，重 164g，可以直接插住部用 Lightning 插頭既 iPhone （即係 5 以後既型號）當手機殼，最重要係自拍個時都知你自己影梗咩，又唔怕影完出黎走晒位，白白浪費張好貴既相紙喇！
如果要彈 Prynt Pocket 既話，就係佢只係專屬於 iPhone 用，其他 Android 機就拜拜，同埋機身上面係無機身上沒有提供變焦滾輪，不過用得 iPhone 影相，都唔駛用變焦滾輪啦？
